Монголын Дизайнеруудын холбооноос жил бүр дизайны сургалттай сургуулиудын дунд “Хаврын гоёл” наадмыг уламжлал болгон зохион байгуулдаг. 25 дахь жилдээ амжилттай болсон тус наадмын финалын шатны шалгаруулалт 2024.05.09-ны өдөр Corporate Convention Center-т болж, шилдгүүдээ тодрууллаа.

Тус наадамд ОУУБИС-ын ИДТС-ийн Дизайны тэнхимийн оюутнууд График дизайн, Интерьер дизайн, Хувцасны дизайны нийт 40 гаруй бүтээлээр оролцож багш Б.Даваасүрэн, Б.Нямцэцэг нарын удирдсан Хувцасны дизайны III ангийн оюутан Д.Халиун, Б.Анударь, Г.Халиун нарын “Хэлбэргүй дүрслэл” уран сэтгэмжийн коллекци “Тэргүүн байр”-ын шагнал хүртлээ.