Олон Улсын Улаанбаатарын Их Сургууль 1995 онд Монголдоо гадаадын хөрөнгө оруулалтай хамгийн анхны их сургууль болон байгуулагдсан бөгөөд ИТГЭЛ, НАЙДВАР, ХАЙР уриатайгаар Монгол улсын хөгжлийг түүчээлэх, олон улсын хөгжил дэвшилд хөл нийлүүлэхэд чиглэсэн боловсрол, судалгаа шинжилгээний үйл ажиллагааг тасралтгүй явуулж, хөгжин дэвшсээр ирсэн их сургууль юм.

Манай сургууль өнөөдөр таван бүрэлдэхүүн сургууль, эрдэм шинжилгээний төвүүдээр дамжуулан олон улсын мэдээлэл харилцаа, техник технологийн эрин зуунд тохирсон, чанартай боловсролын хөтөлбөрүүдийг хурдацтай хөгжин, өөрчлөгдөж буй орчин үеийн нийгмийн шаардлагад нийцсэн бүтээлч мэдлэг боловсролыг эзэмшүүлж, авьяас чадварыг хөгжүүлэх, улмаар Монголын нийгэмд эрэлт хэрэгцээтэй боловсон хүчнийг бэлтгэн ажиллаж байна. Бид олон улсын чадамжтай, авьяаслаг залуусыг хөгжүүлэхэд идэвхтэй дэмжлэг үзүүлж олон төрлийн тэтгэлэг, БНСУ-ын их сургуулиудтай хамтран “2+2”хөтөлбөрийг амжилттай хэрэгжүүлж байна.

Эх орныхоо хөгжилд хувь нэмрээ бүтээлчээр оруулах, дэлхийн хөгжилтэй хөл нийлүүлэн алхаж чадах, судалгаа шинжилгээг зохих түвшинд нь хийж, үр дүнг нь харуулах чадвартай, нийгэмд үнэ цэнтэй мэргэжилтнүүдийг бэлтгэж буй манай ОУУБИС оюутан залуус та бүхний халуун дулаан гэр бүл чинь байх болно.

Эрхэм хүндэт оюутан залуус аа!

Манай ОУУБИС, өргөн уудам хорвоогийн хөгжил өөд зоригтойгоор урагшлах амжилтын гүүр болно гэдэгт итгээрэй.