БНСУ-ын 100% хөрөнгө оруулалттай анхны их сургууль
3 удаа магадлан итгэмжлэгдсэн. 4 дэх удаагийн ахиц дэвшлийн тайлан хамгаалсан.
100 гаруй үндсэн профессор багштай, үүний 50% нь доктор, 18% нь гадаад багш нар ажилладаг. БНСУ-ын их сургуулиудаас урилгын профессорууд ирж лекц уншдаг.
БНСУ-ын их сургуулиудтай хамтарсан бакалаврын хос дипломтой төгсөх 2+2 хөтөлбөртэй. Хамтарсан хөтөлбөрөөр суралцах оюутныг Солонгос хэлний TOPIK шалгалтад бэлтгэх сургалтыг тусгайлан зохион байгуулдаг.
БНСУ-ын их сургуулиудтай хамтарсан магистрын хос дипломтой төгсөх 1+1 хөтөлбөртэй. Хамтарсан хөтөлбөрөөр суралцах оюутныг Солонгос хэлний TOPIK шалгалтанд бэлтгэх сургалтыг тусгайлан зохион байгуулдаг.
Оюутан солилцооны хөтөлбөрөөр БНСУ-ын их сургуулиудад 6 сараас 1 жилийн хугацаатай суралцуулдаг.
Шинэ оюутан бүр Солонгосын шилдэг их сургуулийн хөтөлбөрөөр “Хувь хүний хөгжил” сургалтад заавал хамрагддаг.
Бүх мэргэжлийн ангиуддаа Солонгос хэл, Англи хэлний хичээлийг заавал үздэг бөгөөд мэргэжилтэй болохын зэрэгцээ гадаад хэлний өндөр боловсролтой болж төгсөх боломжтой.
Дэлхийн шилдэг их сургуулиудад заагддаг дараах хичээлүүдийг ерөнхий эрдмээр заавал судалдаг. Үүнд:
- “Дэлхийн улс орны соёл” хичээл нь даяаршлын үед амьдрах глобал иргэн болж төлөвшихөд
- “Гэр бүлийн боловсрол” хичээл нь гэр бүлийн гишүүн болохын хувьд өөрийнхөө өмнө, гэр бүл, нийгмийн өмнө хариуцлагатай байж аз жаргалтай өрх, гэр бүлийг бий болгоход
- “Манлайлал ба хошуучлал” хичээл нь мэргэжлийн хувьд болон хувь хүнийхээ хувьд шилдэг нь байхад
- “Экологи байгал хамгаалал” хичээл нь эх орон, эх дэлхий, байгаль ертөнцтэйгээ зөв харилцаж хайрлаж, хамгаалахад
- “Сэтгэл судлалын үндэс” хичээл нь сэтгэл судлалын шинжлэх ухааны үндсэн онол, арга зүйн мэдлэг дээр үндэслэн хувийн сэтгэл зүйгээ удирдах, бусдын сэтгэл зүйг ойлгож харилцах ур чадварт
Жилийн тогтмол төлбөртэй бөгөөд кредитээр тооцдоггүй зарчим үйлчилдэг нь оюутанд ээлтэй хямд байдаг. 4 жилийн бакалаврын хөтөлбөрт 120 кр хичээл үздэг ч улиралд 18 кр хүртэл хичээл сонгож судалбал 144 кр хүртэл хичээлийг судлах боломжтой. Ингэснээр оюутан өөрийн сонирхсон 24 кр-ийн хичээлийг үнэ төлбөргүй судлах юм.
25 жилийн хугацаанд 1,5 тэрбум төгрөгийн тэтгэлэг олгосон бөгөөд хамгийн их тэтгэлэг олгодог их сургууль. Жил бүр 200-300 сая төгрөгийн тэтгэлэгт хөтөлбөр зарлагддаг. Захирлын, спорт, урлагийн, сурлагын, халамжийн, цагийн ажлын гэх мэт 30 гаруй төрлийн тэтгэлэг байдаг.
- Оюутанд сэтгэл зүйн зөвлөгөө өгөх төв ажилладаг.
- Сургуулийн эмчтэй бөгөөд эрүүл мэндийн тусламж үйлчилгээ үзүүлдэг.
- Хөдөлмөр эрхлэлтийг дэмжих төв ажиллаж оюутныг ажлын байранд зуучилдаг.
- Оюутнууд сургууль дээрээ цагийн ажил хийдэг. Профессор багшийн туслах, номын сан, цайны газар гэх мэт газар ажилладаг.
- Хууль зүйн зөвлөгөө өгөх төв ажилладаг.
Их сургуулийн хичээлийн А, В байр, цэцэрлэг, бага сургууль, бүрэн дунд сургуулийн байрууд бүхий кампус зохион байгуулалттай. Спорт заал, гимнастикийн заал, оюутны байр, соёлын төв, номын сан, интернэт төв, цайны газар, кофе шоп гэх мэт оюутанд үйлчлэх цогц тохилог орчинтой.
Орон сууцны стандартаар барьсан өрөө бүртээ ариун цэвэр, угаалгын өрөөтэй 6 давхар оюутны тохилог байртай. Оюутнуудыг гал тогоо, хөргөгч, интернет, номын сан, бялдаржуулах өрөө зэргээр хангадаг.
Манай сургуульд БНСУ, БНХАУ-ын ӨМӨЗО, ОХУ-ын Буриад, Тува, Халимагаас оюутнууд ирж суралцдаг бөгөөд олон гадаад найзуудтай болно.
Багш, ажилчид цалингаасаа сар бүрийн хуримтлал үүсгэж оюутнууддаа тэтгэлэг болгон өгдөг.
Жил бүр оюутны урлагийн наадмыг зохион байгуулдаг.
Шинэ оюутнаа угтаж авах спорт өдөрлөг зохион байгуулдаг.