2022-2023 оны хичээлийн жилийн 1-р курсийн оюутнуудыг хүлээн авах “IUU-Хамтдаа- 2022” спорт өдөрлөг 2022 оны 09 сарын 09-ний Баасан гарагт Үндэсний цэцэрлэгт хүрээлэнгийн талбайд боллоо. Спортын энэ арга хэмжээ нь жил бүр уламжлал болон явагддаг бөгөөд COVID19 цар тахлын улмаас өнгөрсөн жилүүдэд цуцлагдаад байсан юм.
Спорт өдөрлөгт тэнхим бүрийн оюутнууд баг бүрдүүлэн хөлбөмбөг, олс таталт, уяатай гүйлт, цагирагтай хөгжөөнт тоглоом, 4х4 хөгжөөнт тоглоом, хөгжөөн дэмжигчдийн тэмцээн зэрэг төрлүүдээр хурд хүч, авхаалж самбаагаа сорилоо. Спорт өдөрлөгийн нээлтийн арга хэмжээнд Солонгос хэл, соёлын тэнхимийн оюутнуудын бүжгийн хамтлаг, Гэр бүл, сэтгэл судлалын тэнхимийн Сэтгэл судлалын 2-р курсын оюутан Б.Маралмаа ая дууны мэндчилгээ дэвшүүллээ.
Спорт өдөрлөгийн арга хэмжээг Оюутны алба, Оюутны зөвлөл, биеийн тамирын багш нараас бүрдсэн баг зохион байгуулж, ОУУБИС-ийн оюутнууд, профессор багш нар, ажилтнуудаас бүрдсэн 14 баг оролцлоо.
Спортын төрлүүдээр I байр эзэлсэн багууд шилжин явах цом, мөнгөн шагнал, 2 ба 3-р байр эзэлсэн багууд мөнгөн шагналаар шагнагдлаа.
Хөл бөмбөгийн тэмцээн
I байр Компьютер, Мэдээллийн технологийн тэнхимийн оюутнуудын баг
II байр ХАА, Ойн тэнхимийн оюутнуудын баг
III байр Бизнесийн удирдлагын тэнхимийн оюутнуудын баг
Хөгжөөн дэмжигчдийн тэмцээн
I байр Эрх зүйн тэнхимийн оюутнуудын баг
II байр Сувилахуйн тэнхимийн оюутнуудын баг
III байр Компьютер, Мэдээллийн технологийн тэнхимийн оюутнуудын баг
Олон төрөлтийн тэмцээн
I байр Бизнесийн удирдлагын тэнхимийн оюутнуудын баг
II байр Эрх зүйн тэнхимийн оюутнуудын баг
III байр ХАА, Ойн тэнхимийн оюутнуудын баг
