2022 оны 10 сарын 01 ны өдөр ОУУБИС-ийн Гэр, бүл сэтгэл судлалын оюутнуудын нийгмийн оролцоог нэмэгдүүлэх, бие бялдрын хөгжлийг дэмжих зорилгоор “Эрүүл Монгол оюутан” уриатайгаар сагсан бөмбөгийн тэмцээн амжилттай зохион байгуулагдлаа. Тус өдөрлөгт тэнхимийн эрдэмтэн багш нар 100% оролцож оюутнуудаа хөгжөөн дэмжлээ.
Тэмцээнд Гэр бүл, сэтгэл судлалын тэнхимийн “социологи-гэр бүл судлал” болон “сэтгэл судлал” хөтөлбөрийн I-VI курсын оюутнуудын нийт 8 баг оролцож шилдэг гурван баг, шилдэг эрэгтэй, эмэгтэй тоглогч, шилжин явах цомын эздийг өргөмжлөл, медаль, мөнгөн шагналаар шагналаа.
Сагсан бөмбөгийн тэмцээнд
Тэргүүн байр, шилжин явах цомын эздээр “Социологи-гэр бүл судлал” хөтөлбөрийн III-IV курсын оюутны хамтарсан баг,
Дэд байрыг “Социологи-гэр бүл судлал” хөтөлбөрийн II курсын оюутны баг,
Гутгаар байрыг “Сэтгэл судлал” хөтөлбөрийн III курсын оюутны баг тус тус эзэллээ.
Шилдэг тоглогчоор:
Шилдэг эрэгтэй тоглогч: “Социологи-гэр бүл судлал” хөтөлбөрийн IV курсын оюутан Б.Сүхбат,
Шилдэг эмэгтэй тоглогч: “Социологи-гэр бүл судлал” хөтөлбөрийн III курсын оюутан Л.Отгонцэцэг шалгарлаа.
Тэмцээнд идэвхтэй оролцсон болон байр эзэлсэн оюутнууддаа баяр хүргэе.
Гэр бүл, сэтгэл судлалын тэнхим