26 дахь төгсөлтийн диплом, энгэрийн тэмдэг гардуулах ёслол боллоо.

ОУУБИС-ийн 26 дахь төгсөлтийн диплом, энгэрийн тэмдэг гардуулах ёслол 2022 оны 06 сарын 21-ний өдөр Соёлын төв өргөөнд боллоо. 26 дахь төгсөлтөөр Солонгос хэл, Солонгос судлал, Солонгос хэлний багш, Англи хэл, Англи хэлний багш, Нийгмийн ажил, Социологи-Гэр бүл, Аялал жуулчлалын менежмент, Санхүү, Нягтлан бодох бүртгэл, Бизнесийн удирдлага, Маркетинг, Эдийн засаг, Эрхзүй, Сувилахуй, Програм хангамж, Хувцас дизайн, График дизайн, Интерьер дизайн мэргэжлээр бакалаврын 278 төгсөгч, Гадаад хэл шинжлэл, Бизнесийн удирдлага, Гэр бүл судлал, Цэцэрлэгжүүлэлт, цэцгийн аж ахуй, Сувилахуй, Боловсрол судлал мэргэжлээр магистрын 101 төгсөгч диплом, энгэрийн тэмдэгээ гардан авлаа.

26 дахь төгсөлтийн баярт Монгол Улсын анхны ерөнхийлөгч П.Очирбат, ОУУБИС-ийн хөрөнгө оруулагчдын зөвлөлийн 2 дахь шинэ тэргүүн И Сын Тэг,  ОУУБИС-ийн ерөнхий захирал Чой Ги Хо тэргүүтэй нэр хүндтэй эрхэмүүд оролцож төгсөгчдөд хандан сургамжийн үгээ хэллээ.

Б.Энхсаран/Англи хэлний багш/, Б.Анужин/Англи хэлний орчуулагч/, Л.Дарьханд/Интерьер дизайн/, А.Азжаргал/Солонгос судлал/, Б.Энхбилэг/Солонгос судлал/ П.Мөнхчимэг/Сувилахуй/, П.Учрал/Сувилахуй/, Б.Саруултзаяа/Бизнесийн удирдлага/ нар бакалаврын зэргээр онцлох дипломтой төгслөө.

Б.Дулмаа/Сувилахуй/, С.Бат-Эрдэнэ/Эрх зүй/ нар магистрын зэргээр онцлох дипломтой төгслөө.

Энэ жилийн төгсөлтийн ёслолын арга хэмжээнд БНСУ-аас ОУУБИС-ийн хөрөнгө оруулагчдын зөвлөлийн шинэ дарга доктор И Сын Тэг тэргүүтэй 30 гаруй төлөөлөгч ирж оролцлоо.