Монгол улсад Санхүүгийн алба үүсч хөгжсөний 110 жилийн ойг угтаж Бизнесийн удирдлагын тэнхимийн “Санхүү”, “Нягтлан бодох бүртгэл” хөтөлбөрийн “МЭРГЭЖИЛ СУРТАЛЧЛАХ ӨДӨРЛӨГ”-ийн үйл ажиллагаа 2021.12.02-03-ны өдрүүдэд зохион байгуулагдлаа.
Нээлтийн үйл ажиллагаанд Сургалт, эрдэм шинжилгээ эрхэлсэн дэд захирал, профессор А.Хандмаа, Сургалтын албаны дарга профессор Б.Оюун-Эрдэнэ, Магистр доктор оюутны сургалтын албаны дарга, доктор, дэд профессор Х.Сэлэнгэ, Бизнес удирдлагын тэнхимийн профессор багш нар болон тэнхимийн нийт оюутан залуучууд хамрагдлаа. Энэхүү өдөрлөгийн зорилго нь хөтөлбөрөөр суралцаж буй оюутнуудын идэвх оролцоо, сонирхлыг нэмэгдүүлэх, мэргэжлийн үнэ цэнээрээ бахархах зэрэг олон талын ач холбогдолтой.
Мөн 2010 оны Санхүүгийн менежмент ангийн төгсөгч, ХХБ-ны Харилцагчийн үйлчилгээний газрын захирал Л.Нямсүрэн “Мэргэжлийн ур чадвар” сэдвээр суралцаж буй оюутнуудад сонирхолтой яриа, хэлэлцүүлэг хийв.
“МЭРГЭЖИЛ СУРТАЛЧЛАХ ӨДӨРЛӨГ”-ийн хүрээнд “АРД САНХҮҮГИЙН НЭГДЭЛ” ХК, “Голомт” банк, “Худалдаа хөгжлийн банк”, “Хас” банк зэрэг санхүүгийн байгууллагууд өөрсдийн бүтээгдэхүүн үйлчилгээг сурталчлан хамтарч ажиллав.
