MOCK TRIAL 2021 ШҮҮХИЙН МЭТГЭЛЦЭЭНИЙ ТЭМЦЭЭНД ХУУЛЬ ЗҮЙН СУРГУУЛИЙН ОЮУТНУУД АМЖИЛТТАЙ ОРОЛЦЛОО.
2021 оны аравдугаар сарын 09-ний өдөр Монголын Хуульчдын холбооноос хууль зүйн их, дээд сургуулиудын дунд зохион байгуулагдсан “Mock trial” шүүхийн мэтгэлцээний долоо дахь удаагийн тэмцээнд нийт 9 их дээд сургуулийн 25 баг оролцсоноос тус Олон улсын Улаанбаатарын их сургуулийн Хууль зүйн сургуулийн 3 баг Иргэн, Захиргаа, Арбитрын чиглэлээр амжилттай оролцож логик сэтгэлгээ, хуулийг зөв тайлбарлаж хэрэглэх ур чадвар, мэдлэг оюунаа сорин өрсөлдлөө.
Иргэний хэргийн мэтгэлцээний баг
Эрх зүйн тэнхимийн 4 дүгээр курсын оюутан Б.Түмэнбаяр, Ж.Оюунбилэг, 3 дугаар курсын оюутан Б.Солонгосайхан, А.Отгонзаяа, 2 дугаар курсын оюутан Г.Даваадагва, Б.Золбадрах
Манай сургуулийн оюутнууд Иргэн болон Захиргааны хэргийн мэтгэлцээний төрөлд 2 дугаар шатанд тэнцэж, Иргэний хэргийн баг 3 дугаар байранд, Захиргааны хэргийн баг 4 дүгээр байранд тус тус шалгарсан.
Шүүгчдийн зүгээс манай сургуулийн багийн гишүүдийг хууль хэрэглээ, баримт бичиг бүрдүүлэх, нотлох баримт шинжлэн судлах, илтгэх ур чадвар, багийн ажиллагаа сайн байсан гэж дүгнэсэн.
Захиргааны хэргийн баг
Эрх зүйн тэнхимийн 4 дүгээр курсын оюутан Т.Марал-Эрдэнэ, Б.Сосорбурам, Б.Тавиланзаяа, 3 дугаар курсын оюутан Азжаргал , 2 дугаар курсын оюутан Ү.Сүхбат, Х.Намуун
Арбитрын хэргийн баг
Эрх зүйн тэнхимийн 4 дүгээр курсын оюутан Г.Батбаатар, Ж.Буяндэлгэр, 3 дугаар курсын оюутан Ж.Номин-Эрдэнэ, Б.Ган-Эрдэнэ, 2 дугаар курсын оюутан Т.Энхбаяр, Э.Номинсувд
Энэхүү тэмцээнд амжилттай оролцоход дэмжлэг үзүүлж, идэвхи зүтгэл гарган ажилласан ОУУБИС-ийн болон Хууль зүйн сургуулийн хамт олонд талархал илэрхийлж, нийт оюутнууд, гэр бүлийнхэнд нь сайн сайхныг хүсэн ерөөе!