Жил бүр уламжлал болон зохион байгуулагддаг “Аялал жуулчлалын улсын олимпиад” нь дэлхийн аялал жуулчлалын хөгжлийн чиг хандлагатай уялдуулж, аялал жуулчлалын чиглэлээр суралцаж буй оюутан, залуусын мэргэжлийн ур чадварыг дээшлүүлэх, судалгаа шинжилгээний ажлыг дэмжих, бүх нийтийн хамтын ажиллагааг өргөжүүлэх, оновчтой шийдэл гаргахад чиглэгддэг билээ.
Энэ удаагийн олимпиадад 11 сургуулийн 15 баг оролцсон бөгөөд:
- “Cesim service” бизнесийн загварчлалын цахим тэмцээн
- “Центавр” танин мэдэхүйн тэмцээн
- “Grand Tour” спорт явган аяллын тэмцээн
- “Rethinking tourism-Монголын аялал жуулчлал” оюутны эрдэм шинжилгээний бага хурал
- “Rethinking tourism-Монголын аялал жуулчлал” аялал жуулчлалыг сурталчлах үзэсгэлэн гэсэн үндсэн таван төрлөөр 2022 оны 9 дүгээр сарын 18-27-ны өдрүүдэд зохион байгуулагдлаа.
Уг олимпиадад аялал жуулчлалын менежментийн тэнхимийн ахлах багш А.Мөнх-Эрдэнэ, “дадлагажигч багш” Б.Түвшинбаяр нараар удирдуулсан баг амжилттай оролцож:
- “Grand Tour” спорт явган аяллын тэмцээнд ТЭРГҮҮН байр, шилжин явах цом
- “Cesim service” бизнесийн загварчлалын цахим тэмцээнд ТЭРГҮҮН байр
- “Rethinking tourism-Монголын аялал жуулчлал” аялал жуулчлалыг сурталчлах үзэсгэлэнд ДЭД байр тус тус эзэллээ.
Түүнчлэн бизнесийн загварчлалын цахим тэмцээнд түрүүлсэн АЖМ-4 ангийн оюутан Ж.Лхагвадорж, АЖМ-3 ангийн оюутан О.Номин-Эрдэнэ нар “Дисковери Монгол” ХХК-аас ажлын байрны санал авч, АЖМ-2 ангийн оюутан Ц.Цовоо “Аялал жуулчлалын салбарын тэргүүний оюутан”, АЖМ-1 ангийн оюутан Дөлгөөнмарал “Өндөр оноотой элсэгч”-ээр шалгарч, тус бүр 1.000.0000 төгрөгийн тэтгэлэгийн эзэд боллоо.
