“Хүрээлэн буй орчин-Хөрсны баг”-ынхан Солонгосоос ирсэн хүнсний ногоо тариалах зориулалттай гидропоник төхөөрөмжийг угсарч анхны тариалалтаа эхлүүллээ.
Оюутны сайн дурын клуб болон Солонгосын оюутан залуустай хамтарсан “World Friend Korea (WFK) Залуучуудын хүрээлэн буй орчны сайн дурын хөтөлбөр” ийн хүрээнд “Хүрээлэн буй орчин-Хөрсны баг”-ынхан 2022.03.23 өдөр Солонгосоос ирсэн хүнсний ногоо тариалах зориулалттай гидропоник төхөөрөмжийг сургуулийн В байрны 510 тоотод угсарч анхны тариалалтаа эхлүүллээ. БНСУ-ын Ганвон Их Сургуулийн оюутны сайн дурын багынхан цахимаар холбогдож төхөөрөмжийг ажиллагаа холбогдох зааварчилгаа өгч ажиллав.
Үйл ажиллагаанд оюутны албаны дарга Ким Жэ Сон, Сайн дурын нийгмийн үйлчилгээний төвийн зохицуулагч Ц.Энхтүвшин болон хүнсний ногооны тариалангын чиглэлээр Монголд идэвхтэй ажилладаг Ким Сон Чол багш нарын удирдлагаар “Хүрээлэн буй орчин-Хөрсны баг”-ын гишүүд болох банк санхүү Б.Саруулцэцэг, олон улс орон судлал Т.Энхчимэг, А.Дэлгэрзул, Б.Ганчимэг, ай ти анги Б.Жавхлан, гэр бүл судлал Б.Сүхбат, эрхзүй Б.Мишээлт-Од зэрэг оюутанууд идэвхтэй оролцлоо.