Сувилагч

Сувилахуйн ухааны бакалаврын боловсрол эзэмшсэн сувилагч нь түгээмэл болон зонхилон тохиолдох өвчин, эмгэгүүдийн эмчилгээ, оношлогоо, урьдчилан сэргийлэх тусламж, үйлчилгээнд сувилахуйн чиглэлээр анхан шатны тусламж үзүүлэх чадвартай, эрүүл мэндийн боловсрол олгох, хүн амын эрүүл мэндийг дэмжин хамгаалах чиглэлээр сувилахуйн тусламж үйлчилгээг чанартай үзүүлэх онол, практикийн  мэдлэг, чадвар, хандлага эзэмшсэн мэргэжилтэн байна.

Зорилго

Сувилахуйн үйл ажиллагаа нь хайр ба хүнлэг энэрэнгүй сэтгэлээр үйлчлүүлэгчийн эрүүл мэндийг дэмжих сахин хамгаалах, нөхөн сэргээх, амар тайван байлгахыг зорьдог. Сувилахуйн тэнхимийн зорилго нь мэргэжлийнхээ мэдлэг, ур чадварыг эзэмшсэн, багаар ажиллах чадвартай, хариуцлагатай, зөв харилцаа хандлагатай, удирдан манлайлагч сувилагч мэргэжилтэйнг бэлтгэхэд оршино.

Зорилт

  1. Сувилгааны үйл ажиллагааны дагуу тусламж үйлчилгээг үзүүлэх
  2. Эрүүл мэндийн асуудлыг шийдвэрлэх, шинжлэх ухааны мэдлэгийг бүрэн ашиглах
  3. Үйлчлүүлэгчийг сувилахдаа зөвхөн эмчилгээний зорилгоор харилцаа үүсгэх
  4. Эрүүл мэндийн багт хамтран ажиллах мэргэжлийн ур чадвартай байх
  5. Мэргэжлийн сувилахуйн тусламжийг ёс зүй, хууль эрх зүйн хүрээнд үзүүлэх
  6. Сувилахуйн тусламжийг үзүүлэхдээ сургах-сурах зарчмын дагуу ажиллах

Ажлын байр

  • Халдварт өвчин судалын үндэсний төв
  • Эх нялхсын эрүүл мэндийн үндэсний төв
  • Хавдар судлалын үндэсний төв
  • Сэтгэцийн эрүүл мэндийн үндэсний төв  
  • Гэмтэл согогийн үндэсний төв
  • Улсын нэгдсэн 1,2,3 –р төв эмнэлгүүд  
  • Дүүргийн нэгдсэн эмнэлгүүд
  • Өрхийн эрүүл мэндийн төвүүд
  • Хувийн хэвшлийн эмнэлэгүүд
  • Grand Med Hospital
  • MCS Hospital гэх мэт хувийн хэвшлийн томоохон эмнэлэгүүдэд

Гадаадын их дээд сургуульд суралцах боломж

ОУУБИС-н сувилахуйн тэнхим нь гадаад харилцаагаа сайн хөгжүүлж, 2008 оноос эхлэн  40 гаруй оюутан солилцооны хөтөлбөрт хамруулж Солонгос улсын Ёнсей, Чонбуг, Халлим, Илжи, Ча, Бедиста  зэрэг тэдний харьяа их сургуулиуд, эмнэлэг рүү явуулж богино болон урт хугацааны дадлага хийлгэж байна.  

  1. 2017 оны хичээлийн жилээс хойш 20 төгсөгчийг БНСУ-ын  Чусон Их Сургуулийн сувилахуйн магистрантурт элсүүлэн сургав.

  2. БНСУ-ын эрүүл мэнд нийгмийн хамгааллын яамны зөвшөөрлөөр ОУУБИС сувилахуйн төгсөгчид Солонгос улсын "Сувилагчийн лицензийн шалгалт"-ыг өгч мэргэжлээрээ тус улсад ажиллах боломжтой анхны сургууль болсон юм.

Дадлага хийх газрын нэр:

  • Улсын нэгдүгээр төв эмнэлэг
  • Улсын хоёрдугаар төв эмнэлэг
  • Улсын гуравдугаар төв эмнэлэг
  • Халдварт өвчин судалын үндэсний төв
  • Эх нялхсын эрүүл мэндийн үндэсний төв
  • Хавдар судлалын үндэсний төв
  • Сэтгэцийн эрүүл мэндийн үндэсний төв  
  • Гэмтэл согогийн үндэсний төв
  • Чингэлтэй дүүргийн нэгдсэн эмнэлэг
  • Бриллант  хоспис
  • Гурван санчир өрхийн эмнэлэг
  • Улаанбаатар сувилал
  • Баянгол дүүргийн нэгдсэн эмнэлэг