Ханъгыл үсгийн өдөр

“Ханъгыл үсгийн өдөр”-ийг БНСУ жил бүрийн 10 сарын 9-ны өдрийг бүх нийтийн амралтын өдөр болгон тэмдэглэдэг билээ. Монгол улсын хэмжээнд “Ханъгыл их наадам”-ыг ОУУБИС 21 дэх жилдээ зохион байгуулж байгаа бөгөөд өргөн хэмжээнд тэмдэглэж байгаагаараа онцлогтой болж байна. Тиймээс ОУУБИС нь 10-р сарын 9-нд үдээс өмнө нь “Зохион бичлэгийн тэмцээн” -ээ явуулж, үдээс хойш нь “Солонгос хэлний ярианы тэмцээн”, “Солонгос дууны тэмцээн”-ний үндсэн шалгаруулалтын тэмцээнийг зохион байгуулав.Тус наадмын хүрээнд хаалтын үйл ажиллагаанд ОУУБИС-ийн Ерөнхий захирал мөн ЕБС-иийн захирал, багш нар, их сургуулийн төлөөлөл болох эрдэмтэн багш нар оролцов. “Зохион бичлэгийн тэмцээн”-дээ 10 байранд шагнал гардуулж, мөн “Солонгос дууны тэмцээн”-нд 4 байр эзлүүлж, “Солонгос хэлний ярианы тэмцээн”-ний шагналд 7 байр эзлүүлж тус тусын шагналыг гардуулав. Нийтдээ энэ удаагийн “Ханъгыл их наадам”-д шагналын 21 байр эзлүүлж өргөмжлөл үнэ бүхий зүйлээр шагнав. Энэ жилийн 21 дэх удаагийн “Ханъгыл их наадам”-ыг ОУУБИС, “Улаанбаатар 1 Сэжон хагдан” институт, Солонгос хэл соёлын тэнхим, Солонгос хэлний боловсролын тэнхим, Солонгос судлалын төв хамтран уламжлал ёсоор зохион байгууллаа.