“Номын баяр” арга хэмжээг зохион байгууллаа

2024 оны 09 дүгээр сарын 24-ний өдөр ОУУБИС-ийн Номын сангаас нийт багш, оюутан, ажилтнуудын дунд уламжлалт “Номын баяр” арга хэмжээг зохион байгууллаа.
Номын баярыг нээж ОУУБИС-ийн Гадаад харилцааны албаны дарга бөгөөд Оюутны албаны дарга Yoon Jun Ho нээж, Хаан хуур хамтлагийн хөгжимчид морин хуурын ая эгшиглүүлэв.
Арга хэмжээний хүрээнд “Шинэ номын үзэсгэлэн” гаргаж, оюутнууд залуу зохиолч М.Пүрэвмаатай уулзалт хийж, сонирхолтой асуулт ярилцлага өрнүүлж, Монголын Үндэсний номын сангийн арга зүйч Б.Сарандэлгэр Үндэсний номын сангийн үйл ажиллагаа, сан хөмрөг, ашиглалтын талаар заавар зөвлөмж өгсөн.
Мөн дараа долоо хоногт Жак Уэтерфордын “Чингис хаан: Өнөөгийн ертөнцийг үндэслэгч эзэн” номын сэтгэгдэл бичих уралдааны шалгаруулалт явагдах ба номыг эрхэмлэгч тэргүүлсэн оюутнууд шагнал урамшууллын эзэд болох юм. Номын сангаас гаргасан энэ хичээлийн жил эхэлснээс хойшхи нэг сарын хугацаанд хамгийн их уншигдсан номын тоон судалгаагаар “Чингис хаан: Өнөөгийн ертөнцийг үндэслэгч эзэн” ном тэргүүлсэн бол Т.Ариунаа, Л.Авирмэд нарын “Дотор өвчин”, Я.Отгонсүрэн “Маркетингийн удирдлага” ном тус тус удаалж байна.
ОУУБИС-ийн Номын сангийн дарга, доктор Ю.Бадамханд арга хэмжээг хааж үг хэлж, цаашдын үйл ажиллагааны талаар ярилцаж, нийт багш, ажилтан, оюутнуудынхаа ажил үйлсэнд нь их амжилтыг ерөөв.